Իրանը պատրաստ Է «թեկուզ մեկ ժամից» բանակցություններ սկսել միջուկային գործարքի շուրջ. Ռուհանի
1 րոպեի ընթերցում
![Իրանը պատրաստ Է «թեկուզ մեկ ժամից» բանակցություններ սկսել միջուկային գործարքի շուրջ. Ռուհանի](http://armenpress.am/resized/480/static/news/b/2019/09/989671.jpg)
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Թեհրանը պատրաստ Է «թեկուզ մեկ ժամից» միջուկային գործարքի վերաբերյալ բանակցությունների սեղանի շուրջ նստել «5+1» ձեւաչափով, որտեղ կլինի ԱՄՆ-ը, բայց Վաշինգտոնը նախ պետք Է վերացնի պատժամիջոցները: Այդ մասին, ինչպես տեղեկացնում Է «Արմենպրես»-ը, հայտարարել Է Իրանի նախագահ Հասան Ռուհանին:
«Մենք քանիցս մերժել ենք (ԱՄՆ-ի եւ Իրանի նախագահների միջեւ) բանակցությունները: Եթե բանակցությունները կայանան, ապա կլինեն «5+1» ձեւաչափով»,-ասել Է Ռուհանին, որի ելույթը Նյու Յորքից ժամանելուց հետո հեռարձակել Է իրանական հեռուստատեսությունը:
«Մենք բացեիբաց ասում Էինք, որ պատրաստ ենք բանակցություններ վարել, բայց ոչ պատժամիջոցների ու ճնշումների պայմաններում: Ինձ հարցնում Էին՝ երբ եք դուք պատրաստ դա անել, ես պատասխանում Էի՝ թեկուզ մեկ ժամից պատրաստ կլինեմ մասնակցել «5+1» խմբի նիստին, բայց սկզբում դուք ճիշտ մթնոլորտ ստեղծեք»,- հավելել Է Իրանի նախագահը, հաղորդել Է ՌԻԱ Նովոստին: