Իտալացի նկարիչը դաշտում ստեղծել Է Գրետա Թունբերգի վիթխարի դիմանկարը
2 րոպեի ընթերցում
![Իտալացի նկարիչը դաշտում ստեղծել Է Գրետա Թունբերգի վիթխարի դիմանկարը](http://armenpress.am/resized/480/static/news/b/2019/09/989549.jpg)
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Նկարիչ Դարիո Գամբարինն Իտալիայում տրակտորի միջոցով ստեղծել Է շվեդ ակտիվիստուհի Գրետա Թունբերգի վիթխարի դիմանկարը դաշտում, տեղեկացնում Է «Արմենպրես»-ը:
«Ամբողջ պերֆոմանսը շարունակվեց 9 – 10 ժամ՝ առանց ընդմիջման: Երբ ես նման դիմանկարներ եմ կատարում գետնին, կանգ առնել չի կարելի, որովհետեւ արեւից ամբողջը խունանում Է»,- պարզաբանել Է Գամբարինը: Աշխատանքը գնահատել կարելի Է թռչնի թռիչքի բարձրությունից: Նկարիչը պարզաբանել Է, որ դիմանկարը կատարել Է կլիմային նվիրված գագաթնաժողվի առթիվ, որը կայացել Է ՄԱԿ-ում Գլխավոր ասամբլեայի բացման նախօրյակին, որտեղ ելույթ Է ունեցել Գրետան:
Գամբարինը, որն արդեն իր նկարների անհատական ցուցահանդեսներ Է ունեցել, լանդշաֆտային արվեստի (լենդ-արտի) ստեղծագործությունների ստեղծմանը ձեռնամուխ Է եղել ավելի քան 10 տարի առաջ: Նա ինքն իր ստեղծագործությունները համարում Է «բնապահպանական» եւ «վաղանցիկ», քանի որ դրանք հարատեւ չեն, եւ, հետեւելով բնական ցիկլին, 7 – 10 օր հետո անհետանում են, հաղորդել Է ՏԱՍՍ-ը:
Italian land artist Dario Gambarin created a 27,000 square meter portrait of @GretaThunberg called "From the Land to our Planet" pic.twitter.com/4RPrpBXKso
— Bloomberg TicToc (@tictoc) September 24, 2019