Խամենեին կոչ Է արել իրանցիներին՝ Եվրոպայի հետ հույսեր չկապել ԳՀՀԾ-ի հարցում
1 րոպեի ընթերցում
![Խամենեին կոչ Է արել իրանցիներին՝ Եվրոպայի հետ հույսեր չկապել ԳՀՀԾ-ի հարցում](http://armenpress.am/resized/480/static/news/b/2019/09/989543.jpg)
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Իրանի գերագույն ղեկավար Ալի Խամենեին հայտարարել Է, որ Եվրոպան հետեւում Է ԱՄՆ-ի պատժամիջոցներին, եւ Թեհրանը չպետք Է եվրոպացիների հետ հույսեր կապի միջուկային գործարքի հարցում: Այդ մասին, ինչպես տեղեկացնում Է «Արմենպրես»-ը, ասված Է գերագույն ղեկավարի կայքում զետեղված հայտարարության մեջ:
«Եվրոպացիները, չնայած սեփական խոստումներին, իրականում պաշտպանում են ԱՄՆ-ի պատժամիջոցները, նրանք ոչ մի քայլ չեն արել, եւ կասկածում եմ, որ կանեն: Այդ կապակցությամբ անհրաժեշտ Է այլեւս հույս չդնել եվրոպացիների վրա»,-հայտարարել Է Խամենեին:
Նա հավելել Է, թե չնայած այն բանին, որ եվրոպացիները հանդես են գալիս միջնորդների դերում, գործնականում «նրանք երկար ճառեր են ասում, բայց նրանց բոլոր ասածներն անհեթեթություն են», հաղորդել Է ՌԻԱ Նովոստին: