Իրանն անպատասխանատու Է որակել եվրոպական երկրների մեղադրանքները

2 րոպեի ընթերցում

ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Թեհրանը «պատվիրված» եւ անպատասխանատու Է որակել Սաուդյան Արաբիայի վրա գրոհելու համար Ֆրանսիայի, Գերմանիայի եւ Մեծ Բրիտանիայի մեղադրանքները, քանի որ դրանք արվել են հետաքննությունից առաջ: Այդ մասին, ինչպես տեղեկացնում Է «Արմենպրես»-ը, հայտնել Է Իրանի արտաքին գործերի նախարարությունը:

«Այդ քայլն ինքնին սադրիչ Է ու ապակառուցողական եւ արվել Է նախքան որեւԷ հետաքննություն անցկացնելը եւ առանց որեւԷ ապացույց ներկայացնելու ու հիմնված Է բացառապես ծիծաղելի փաստարկման վրա, «հնարավոր այլ բացատրություն չկա»,-ասված Է գերատեսչության հայտարարության մեջ: Այդ կապակցությամբ Իրանի ԱԳ նախարարությունը մեղադրանքի նկատմամբ նման մոտեցումը որակել Է «անպատասխանատու» եւ «պատվիրված», որը քաղաքական նպատակներ Է հետապնդում, եւ նախազգուշացրել Է, որ նմանօրինակ հայտարարությունները կարող են հանգեցնել Եմենում պատերազմի Էսկալացման, որն Էլ ավելի ընդգրկուն կդառնա: Ավելի վաղ Ֆրանսիայի, Գերմանիայի եւ Մեծ Բրիտանիայի ղեկավարներ Էմանունել Մակրոնը, Անգելա Մերկելը եւ Բորիս Ջոնսոնը համոզված են, որ Սաուդյան Արաբիայի նավթային օբյեկտների դեմ գրոհի հետեւում կանգնած Է Իրանը: Դրա մասին ասված Է երեք երկրների համատեղ հայտարարության մեջ, որը հրապարակվել Է Բունդեսթագի կայքում:

Բացի դրանից, Մակրոնը, Մերկելը եւ Ջոնսոնը, որոնք բանակցություններ են վարել ՄԱԿ-ի Գլխավոր ասամբլեայի շրջանակներում, Թեհրանին կոչ են արել՝ խուսափել սադրանքներից եւ շեշտը դնել վիճելի հարցերի շուրջը երկխոսության վրա: «Մեզ համար պարզ Է, որ Իրանն Է կրում պատասխանատվությունն այդ հարձակման համար: Այլ ճշմարտանման բացատրություն չկա: Մենք պաշտպանում ենք կատարվող հետաքննությունները, որպեսզի պարզենք հետագա մանրամասները»,- ասված Է հայտարարության մեջ: Ֆրանսիայի, Գերմանիայի եւ Մեծ Բրիտանիայի ղեկավարները նշել են, որ թեեւ գրոհներն ուղղված են եղել Սաուդյան Արաբիայի դեմ, դրանք վերաբերում են բոլոր պետություններին եւ մեծացնում են խոշոր բախման ռիսկը, հաղորդել Է ՌԻԱ Նովոստին:

Բաժանորդագրվեք մեր ալիքին Telegram-ում