Թեհրանը չի բացառել վերադարձը ԳՀՀԾ-ով պարտավորությունների ամբողջական կատարմանը
2 րոպեի ընթերցում
![Թեհրանը չի բացառել վերադարձը ԳՀՀԾ-ով պարտավորությունների ամբողջական կատարմանը](http://armenpress.am/resized/480/static/news/b/2019/09/988220.jpg)
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Թեհրանը կարող Է վերադառնալ միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) շրջանակներում իր պարտավորությունների ամբողջական կատարմանը, եթե մնացած մասնակիցները գործարքը կատարեն ամբողջությամբ եւ արդյունավետորեն: Այդ մասին, ինչպես տեղեկացնում Է «Արմենպրես»-ը, սեպտեմբերի 16-ին հայտարարել Է Իրանի փոխնախագահ, հանրապետության Ատոմային Էներգիայի կազմակերպության ղեկավար Ալի Աքբար Սալեհին:
Նա նշել Է, որ նախքան գործարքի շրջանակներում իր պարտավորությունների կատարումից մասնակիորեն շեղվել սկսելը, Իրանը ռազմավարական համբերություն Է դրսեւորել պայմանագրից ԱՄՆ-ի միակողմանիորեն դուրս գալուց հետո, որպեսզի ԳՀՀԾ-ի մնացած մասնակիցներին թույլ տա կատարել պարտավորությունները, ինչպես նաեւ փոխհատուցել Վաշինգտոնի կողմից ձեռնարկված միջոցի հետեւանքները:
«Կարեւոր Է նշել, որ իր պարտավորություններից Իրանի մասնակի շեղումը շրջելի Է՝ գործարքի մյուս մասնակիցների կողմից ԳՀՀԾ-ի ամբողջական եւ արդյունավետ կատարման դեպքում: Ես կցանկանայի նշել, որ ԳՀՀԾ-ի պահպանումը միջազգային հանրակցության բոլոր անդամների ընդհանուր պատասխանատվությունն Է»,-հայտարարել Է Սալեհին՝ Վիեննայում ելույթ ունենալով ՄԱԳԱՏԷ-ի գլխավոր խորհրդաժողովում, հաղորդել Է ՌԻԱ Նովոստին: