1 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Վերջին շրջանում հայ-ադրբեջանական սահմանին հրադադարի խախտումների դեպքերի աճ կամ լարվածություն չի նկատվում:
«Արմենպրես»-ի հաղորդմամբ՝ այս մասին, լրագրողների հետ զրույցում ասաց ՀՀ պաշտպանության նախարարի մամուլի խոսնակ Արծրուն Հովհաննիսյանը:
«Գրեթե չկա մի օր, որ հրադադարի խախտում չլինի, ուղղակի կա դեպքերի քանակ, որոնց շատ կամ քիչ լինելուց իրավիճակը հստակվում է: Վերջին շրջանում չկա այնպիսի իրավիճակ, որը կարող ենք մտահոգիչ կամ աճած համարել»,- նշեց Հովհաննիսյանը:
Նա ցավով նշեց, որ օրական մինչև 1-2 տասնյակ դեպքերը, երբ կրակում են փոքր տրամաչափի հրաձգային զենքերից, դարձել են առօրյա երևույթ: