1 րոպեի ընթերցում
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության փոխվարչապետ Մհեր Գրիգորյանը կմեկնի Թուրքմենստան, մասնակցելու ԱՊՀ տնտեսական խորհրդի 83-րդ նիստին: «Արմենպրես»-ի փոխանցմամբ` այս մասին որոշումը ստորագրել է ՀՀ վարչապետ Նիկոլ Փաշինյանը:
Այցը կկայանա սեպտեմբերի 12-14-ը:
ՀՀ պատվիրակության կազմում կլինեն փոխվարչապետ Մհեր Գրիգորյանը, Արտաքին գործերի նախարարի տեղակալ Շավարշ Քոչարյանը, ՀՀ արտաքին գործերի ԱՊՀ երկրների և կառույցների հետ համագործակցության վարչության պետ Դավիթ Վիրաբյանը և ՀՀ փոխվարչապետ Մհեր Գրիգորյանի արարողակարգի պատասխանատու Դավիթ Գևորգյանը: