Թրամփը Քելլի Դեգնանի թեկնածությունն Է առաջարկել Վրաստանում ԱՄՆ-ի դեսպանի պաշտոնի համար

ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը Քելլի Դեգնանի թեկնածությունն Է առաջադրել Վրաստանում նոր դեսպանի պաշտոնի համար: Այդ մասին սեպտեմբերի 3-ի երեկոյան հայտնել Է Սպիտակ տան մամուլի ծառայությունը, տեղեկացնում Է «Արմենպրես»-ը:

«Նախագահ Դոնալդ Թրամփը որոշեց… Կալիֆոռնիայից Քելլի Դեգնանի թեկնածությունն առաջադրել Վրաստանում արտակարգ եւ լիազոր դեսպանի պաշտոնի համար»,-ասված Է հաղորդագրության մեջ: Դեգնանի թեկնածությունը պետք Է հաստատի Կոնգրեսի Սենատը:

Ինչպես ճշտում Է մամուլի ծառայությունը, Դեգնանը ներկայում աշխատում Է որպես Եվրոպայում եւ Աֆրիկայում ԱՄՆ-ի ռազմածովային ուժերի հրամանատարի քաղաքական խորհրդական: Նա նաեւ զբաղեցրել Է Իտալիայում ԱՄՆ-ի դիվանագիտական առաքելության փոխղեկավարի, ԱՄՆ-ի Պետդեպարտամենտի գործադիր քարտուղարի տեղակալի եւ Կոսովոյում ԱՄՆ-ի դեսպանի տեղակալի պաշտոնները:

Վրաստանում ԱՄՆ-ի վերջին դեսպանը եղել Է Յան Քելլին, որի լիազորությունների ժամկետը լրացել Էր 2018 թվականի ապրիլին:

Ներկայում Թբիլիսիում Միացյալ Նահանգների դիվանագիտական առաքելությունը ղեկավարում Է ժամանակավոր հավատարմատար Էլիզաբեթ Ռուդը: