Վրաստանի խորհրդարանն սկսել Է Գախարիայի կառավարության հաստատման ընթացակարգը

ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Վրաստանի խորհրդարանը սեպտեմբերի 4-ին ձեռնամուխ Է եղել Գեորգի Գախարիայի նորացված կառավարության հաստատման ընթացակարգին: Կոմիտեների լսումների ուղիղ հեռարձակումն իրականացվում Է օրենսդիր մարմնի կայքում, տեղեկացնում Է «Արմենպրես»-ը:

«Այսօր մենք կլսենք արտաքին գործերի նախարարի թեկնածու Դավիթ Զալկալիանիի զեկույցը: Նա մեզ կներկայացնի կառավարության ծրագիրը, ինչպես նաեւ համառոտ տեղեկատվություն՝ կատարված աշխատանքի վերաբերյալ»,-ասել Է արտաքին կապերի կոմիտեի ղեկավար Սոֆյա Կացարավան, բացելով նիստը, եւ հավելելով, որ, կառավարության ծրագրի համաձայն, որը վարչապետի թեկնածու Գախարիան արդեն ուղարկել Է խորհրդարան, Վրաստանի գլխավոր գերակայությունը մնում Է երկրի ինտեգրացումը ԵՄ-ին ու ՆԱՏՕ-ին:

Սեպտեմբերի 4-ին են պլանավորված նաեւ առողջապահության եւ կրթության նախիարարների թեկնածուների լսումները: Նոր կառավարությանը վստահության քվե տալու հարցի շուրջ քվեարկությունը նշանակված Է սեպտեմբերի 8-ին, հաղորդել Է ՏԱՍՍ-ը: