Շրջակա միջավայրի նախարարությունը մշակել է արդյունագործական ձկնորսություն թույլ տալու կարգ
1 րոպեի ընթերցում
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության շրջակա միջավայրի նախարարությունը արդյունագործական ձկնորսություն թույլ տալու կարգ է մշակել:
«Արմենպրես»-ի փոխանցմամբ` այս մասին օգոստոսի 2-ին հրավիրված մամուլի ասուլիսի ընթացքում հայտնեց Գեղարքունիքի մարզպետ Գնել Սանոսյանը:
«Դեռ 2005 թվականից ձկնորսությունն արգելված է, բայց փաստացի մենք ունենք ձկնորսություն: Եվ հիմա, հուրախություն մեզ, մշակվել է արդյունագործական ձկնորսություն թույլ տալու կարգ: Այդ կարգը մշակվել է Շրջակա միջավայրի նախարարությունում, և հիմա շրջանառվում է այլ գերատեսչություններում, որից հետո կգնա կառավարություն, հավանության կարժանանա և կսկսի գործել: Նախնական փորձելու ենք կիրառել պիլոտային 150 տոննա ձկան համար»,- ասաց մարզպետը:
Սանոսյանը նշեց, որ վերջին երկու տարում Սևանում սիգի պաշարները բավական շատացել են: