Թբիլիսիում բողոքի ակցիայի մասնակիցները բացատրություն են պահանջում նախագահ Զուրաբիշվիլիից

ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Թբիլիսիում ընդդիմությունը բողոքի ակցիա Է անցկացնում Ատոնելի փողոցում նախագահական պալատի մոտ. «Միասնական ազգային շարժում» նախկին կառավարող կուսակցության ղեկավարներն ու կողմնակիցները պահանջում են, որ Վրաստանի նախագահ Սալոմե Զուրաբիշվիլին բացատրի Ռամազ Դեւաձեին ներում շնորհելու որոշումը, որը դատապարտված Էր ոստիկանի սպանելու համար, տեղեկացնում Է «Արմենպրես»-ը՝ հղում անելով «Գրուզիա Online»-ին:

Ատոնելիում բողոքի ակցիայի Է հավաքվել շուրջ հարյուր մարդ: Նրանք իրենց հետ բերել են պլակատներ՝ «Ամոթ», «Ով Է հանձնարարել ներում շնորհել», «Անպատասխանատու նախագահ» մակագրություններով: Դիմելով հանրահավաքի մասնակիցներին՝ «Ազգային շարժման» ղեկավարներից մեկը՝ Զաալ Ուդումաշվիլին հայտարարել Է, որ Դեւաձեին ներում շնորհելու ակտը «հակապետական գործողություն Է»:

Ընդդիմությունը պահանջում Է, որ Զուրաբիշվիլիի վարչակազմը նշի Դեւաձեին ներում շնորհելու որոշման կոնկրետ պատճառները: Նախագահական պալատի մոտ ակցիայի մասնակիցները պլանավորում են Զուրաբիշվիլիին դիմավորել «խայտառակության միջանցքով»: Այսօր Վրաստանի նախագահը պետք Է վերադառնա Լեհաստանից, որտեղ նա մասնակցել Է Երկրորդ համաշխարհային պատերազմի սկսվելու 80-րդ տարելիցին նվիրված միջոցառումներին: Զուրաբիշվիլին օգոստոսի 28-ին 34 կալանավորի ներում Էր շնորհել Սուրբ Աստվածածնի վերափոխման տոնի՝ Մարիամոբայի կապակցությամբ:

Նրանց թվում հայտնվել Է նաեւ Ռամազ Դեւաձեն, որը դատապարտվել Էր 2014 թվականին ոստիկան Թարաշ Մուքբանյանին սպանելու համար: Դա հարուցել Է ընդդիմության եւ շարքային քաղաքացիների վրդովմունքը. սոցցանցերում չի դադարում թեմայի քննարկումը: 22-ամյա ոստիկան Թարաշ Մուքբանյանի սպանությունը տեղի Է ունեցել 2014 թվականի դեկտեմբերի 27-ին Բաթումի գիշերային ակումբներից մեկում:

Հետաքննության տվյալներով՝ նրա եւ Դեւաձեի միջեւ, որը եղել Է ոչ սթափ վիճակում, տեղի Է ունեցել խոսքակռիվ, որի ընթացքում Դեւաձեն ոստիկանից խլել Է ծառայողական զենքը եւ կրակել նրա գլխին: Մուքբանյան տեղում մահացել Է: 2015 թվականի սեպտեմբերին Դեւաձեն դատապարտվել Է 12 տարվա բանտարկության: Նա ազատ Է արձակվել մի քանի օր առաջ: Նախագահին դատապարտել Է նաեւ Վրաստանի խորհրդարանի իրավաբանական հարցերի կոմիտեի նախագահ Անրի Օհանաշվիլին: «Ինձ համար անընդունելի Է այս դեպքը՝ ներում շնորհել ոստիկանին սպանելու համար դատապարտվածին, որը չի կրել իր պատժաժամկետի նույնիսկ կեսը»,-ասել Է Օհանաշվիլին: