Վրաստանի ազգային բանկի ղեկավարը հայտարարել Է, որ հրաժարական չի տա լարիի փլուզման պատճառով

ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Վրաստանի ազգային բանկի ղեկավար Կոբա Գվենեթաձեն հայտարարել Է, որ չի պատրաստվում հրաժարական տալ լարիի փոխարժեքի արժեզրկման պատճառով, տեղեկացնում Է «Արմենպրես»-ը:

Վրաստանի ազգային բանկը ԱՄՆ-ի դոլարի նկատմամբ լարիի փոխարժեքը օգոստոսի 28-ին սահմանել Է 2,9415 լարիի չափով: Գվենեթաձեի հրաժարականը պահանջում են ընդդիմադիր կուսակցությունների ներկայացուցիչները: Նրանք Ազգային բանկի ղեկավարին մեղադրում են անգործության մեջ, որը բերում Է ազգային արժույթի հետագա արժեզրկման:

«Սահող փոխարժեքի պայմաններում բացարձակապես հնարավոր չԷ կանխատեսումներ անել լարիի փոխարժեքի կապակցությամբ: Վերջին ժամանակաշրջանում տեղի ունեցած իրադարձություններն ստեղծել են այն բանի բացասական սպասումներ, որ արժութային եկամուտներն ավելի վատն են լինելու, քան այլ դեպքերում, ինչն ազդել Էր արժույթի փոխարժեքի վրա»,- հայտարարել Է Գվենեթաձեն լրագրողներին:

Նրա խոսքով՝ սեպտեմբերի 4-ին կկայանա դրամական քաղաքականության կոմիտեի նիստը, որտեղ որոշում կընդունվի՝ ձեռնարկե՞լ ազգային արժույթի կայունացմանն ուղղված գործողություններ, թե ոչ:

«Ես չեմ պատրաստվում հրաժարական տալ»,-հավելել Է նա:

Լարին անշեղորեն արժեզրկվում Էր Թբիլիսիում բողոքի ակցիաների սկսվելուց եւ Ռուսաստանի կողմից տուրիստական արգելանքի սահմանումից հետո: Եթե հունիսի 21-22-ին Վրաստանի ազգային բանկի պաշտոնական փոխարժեքը 1 դոլարի դիմաց կազմում Էր 2,78 լարի, ապա օգոստոսի 1-ին այն հասել Է հակառեկորդի՝ 2,97 լարիի: Այսինքն՝ լարին դոլարի նկատմամբ միագումար արժեզրկվել Է 6,4 տոկոսով, հաղորդել Է ՌԻԱ Նովոստի գործակալությունը: