G7-ի բոլոր երկրները համաձայն են, որ Իրանը չպետք Է միջուկային զենք ստանա. Թրամփ

ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Յոթի խմբի (G7) բոլոր երկրները համաձայն են, որ Թեհրանին չի կարելի թույլատրել, որ միջուկային զենք ստանա: Օգոստոսի 26-ին այդ մասին հայտարարել Է ԱՄՆ-ի նախագահ Դոնալդ Թրամփը՝ G7-ի գագաթնաժողովի հարթակներից մեկում Գերմանիայի կանցլեր Անգելա Մերկելի հետ հանդիպումից առաջ, գագաթնաժողով, որը տեղի Է ունենում ֆրանսիական Բիարիցում, տեղեկացնում Է «Արմենպրես»-ը:

«Մեծ առաջընթաց ձեռք բերվեց Իրանի շուրջը: Մեք այս կամ այն չափով հանգեցինք միասնական կարծիքի: Դա այն Է, (որ) նրանք (իրանական կողմը – ծանոթ. խմբ.) չպետք Է միջուկային զենք ունենան»,- ասել Է Թրամփը: ԱՄՆ-ի նախագահը հավաստիացրել Է, որ գագաթնաժողովում Իրանի վերաբերյալ կատաղի վեճերի վերաբերյալ զանգվածային լրատվամիջոցների պնդումները չեն համապատասխանում իրականությանը: Թրամփի խոսքով՝ G7-ի բոլոր երկրները «միասնական դիրքորոշում» ունեն:

«Դա G7-ի շատ հաջող գագաթնաժողով Էր, այն անցավ շատ բարեկամական մթնոլորտում»,- արձանագրել Է նա, հաղորդել Է ՏԱՍՍ-ը: