388.37
Թեհրանն Իսրայելին նախազգուշացրել Է տարածաշրջանում ագրեսիայի հետեւանքների մասին
1 րոպեի ընթերցում
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Իսրայելը պետք Է հասկանա, որ Իրաքի, Լիբանանի եւ Սիրիայի նկատմամբ իր ագրեսիան հետեւանքներ Է ունենալու, այս երկրներն ինքնապաշտպանության իրավունք ունեն: Այդ մասին, ինչպես տեղեկացնում Է «Արմենպրես»-ը, օգոստոսի 26-ին հայտարարել Է Իրանի կառավարության պաշտոնական ներկայացուցիչ Ալի Ռաբիին:
«Իսրայելը պետք Է հասկանա իր ագրեսիվ գործողությունների հետեւանքները եւ դրանց գինը»,- ասել Է Ռաբիին մամուլի ասուլիսում, որը հեռարձակել Է իրանական հեռուստատեսությունը: Նրա խոսքով՝ «Հըզբոլլահ» շարժման գլխավոր քարտուղար Հասան Նասրուլլան պարզորոշ հասկանալ Է տվել, որ Իսրայելի գործողություններն առանց պատասխանի չեն մնա:
Ռաբիին նշել Է, որ Իրանը դատապարտում Է Իսրայելի կողմից տարածաշրջանի երկրների նկատմամբ ցանկացած ագրեսիա եւ ճանաչում Է Իրաքի, Լիբանանի եւ Սիրիայի ինքնապաշտպանության իրավունքը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում
