Վրաստանում թոշակի տարիքի 6 հազար ուսուցիչ պատրաստ Է հրաժարվել աշխատանքից փոխհատուցման դիմաց
1 րոպեի ընթերցում
![Վրաստանում թոշակի տարիքի 6 հազար ուսուցիչ պատրաստ Է հրաժարվել աշխատանքից փոխհատուցման դիմաց](http://armenpress.am/resized/480/static/news/b/2019/08/985676.jpg)
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Կենսաթոշակային տարիքի հասած աշխատող մանկավարժների համար ավարտվել Է դրամական փոխհատուցում ստանալու նպատակով գրանցվելու առաջին փուլը: Ինչպես հայտարարել Է Վրաստանի կրթության փոխնախարար Իրինա Աբուլաձեն, ներկա փուլում գրանցվել Է կենսաթոշակային տարիքի մինչեւ 6 հազար ուսուցիչ, տեղեկացնում Է «Արմենպրես»-ը՝ հղում անելով «Գրուզիա Online»-ին:
Ինչպես նշում Է Աբուլաձեն, ուսուցիչները, որոնք աշխատանքից հեռանալու կամավոր որոշում են ընդունել, արդեն հոկտեմբերի սկզբին միագումար աշխատավարձ կստանան երկու տարվա համար: Բացի այդ, նրանց համար ցմահ կպահպանվի մանկավարժի բժշկական ապահովագրության փաթեթը:
Փոխնախարարը շնորհակալություն Է հայտնել ուսուցիչներին, դպրոցների վարչակազմերին եւ կրթական ռեսուրս-կենտրոններին գործընթացը բարձր մակարդակով կազմակերպելու համար:
Կենսաթոշակային տարիքի ուսուցիչները կարող են դրամական փոխհատուցում ստանալու հայտը ներկայացնել մինչեւ 2019 թվականի վերջը: Փոխհատուցման վճարումների երկրորդ փուլը կկայանա տարվա վերջին: