Դատարանը մերժեց ՊՊԾ գնդի գործով մեղադրյալ Սմբատ Բարսեղյանին ազատ արձակելու միջնորդությունը
1 րոպեի ընթերցում
![Դատարանը մերժեց ՊՊԾ գնդի գործով մեղադրյալ Սմբատ Բարսեղյանին ազատ արձակելու միջնորդությունը](http://armenpress.am/resized/480/static/news/b/2019/08/985546.jpg)
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Երևան քաղաքի ընդհանուր իրավասության դատարանի Շենգավիթի նստավայրում դատավոր Մեսրոպ Մակյանի նախագահությամբ կայացավ ՀՀ ոստիկանության պարեկապահակետային ծառայության գնդի գրավման գործով դատական նիստը:
Ինչպես տեղեկացնում է «Արմենպրես»-ը, պաշտպանները միջնորդություններ ներկայացրին Սմբատ Բարսեղյանին ազատ արձակելու վերաբերյալ: Դատարանը որոշում կայացրեց՝ մերժել ամբաստանյալ Սմբատ Բարսեղյանի նկատմամբ ընտրված խափանման միջոց կալանավորումը վերացնելու վերաբերյալ միջնորդությունը:
Դատարանը հետաձգեց դատական նիստը, հաջորդ դատական նիստին իրեղեն ապացույցները դատարան բերելու համար: Հաջորդ դատական նիստը կկայանա օգոստոսի 28-ին:
Գործով ամբաստանյալ` «Սասնա ծռեր» խմբի 10 անդամներից կալանքի տակ են Արմեն Բիլյանն ու Սմբատ Բարսեղյանը, որոնք մեղադրվում են ոստիկանների սպանության մեջ: