ԵՐԵՎԱՆ, 31 ՀՈւԼԻՍԻ, ԱՐՄԵՆՊՐԵՍ: Իրանը կշարունակի կրճատել միջուկային գործարքով նախատեսված իր պարտավորությունները, եթե եվրոպական երաշխիքներ չստանա ամերիկյան պատժամիջոցներից: Այդ մասին, ինչպես տեղեկացնում Է «Արմենպրես»-ը, հուլիսի 31-ին հայտարարել Է Իրանի արտաքին գործերի նախարար Մոհամադ Ջավադ Զարիֆը:
«Մենք ձեռնամուխ կլինենք միջուկային գործարքով նախատեսված մեր պարտավորությունների կրճատման երրորդ փուլին, եթե եվրոպական երկրներն ԱՄՆ-ի պատժամիջոցներից պաշտպանության երաշխիքներ չտրամադրեն մեզ»,-Զարիֆի խոսքը մեջբերել Է Mehr գործակալությունը: Նա հավելել Է, որ «առայժմ եվրոպացիների կողմից ձեռնարկված միջոցները բացարձակապես չեն համապատասխանում նրանց խոստումներին»:
Առավել կարեւոր քայլերի թվում իրանցի նախարարը նշել Է INSTEX ֆինանսական մեխանիզմի ամբողջական գործարկումը, որը «չպետք Է կախված լինի ԱՄՆ-ի հավանությունից եւ ենթարկվի նրա ազդեցությանը»: Զարիֆի խոսքով՝ այդ համակարգը պետք Է Թեհրանին հնարավորություն ընձեռի փող ստանալ նավթի վաճառքից, հաղորդել Է ՏԱՍՍ-ը: