ԵՐԵՎԱՆ, 30 ՀՈւԼԻՍԻ, ԱՐՄԵՆՊՐԵՍ: Դոլարի նկատմամբ լարիի կտրուկ անժեզրկման պատճառը զբոսաշրջիկների թվաքանակի կրճատումն Է: Այդ մասին, ինչպես տեղեկացնում Է «Արմենպրես»-ը, Վրաստանի Ազգային բանկի ղեկավար Կոբա Գվենեթաձեն հայտարարել Է լրագրողներին:
Հունիսի 20-ից ի վեր դոլարի նկատմամբ լարիի փոխարժեքն ընկել Է 2,5 տոկոսով: Եթե հունիսի 20-ին դոլարի նկատմամբ լարիի՝ Վրաստանի Ազգային բանկի կողմից հայտարարված պաշտոնական փոխարժեքը կազմում Էր 2,7871, ապա հուլիսի 30-ին այն արդեն հասել Է նոր հակառեկորդի՝ 2,9346-ի:
Գվենեթաձեի խոսքով՝ Վրաստանը վերապրում Է արտաքին շոկ, որն ազդում Է լարիի փոխարժեքի վրա: «Տուրիստական հոսքի սպասվող քանակությունը Վրաստանում կրճատվել Է, եւ դա հաստատվում Է թվերով:
Այս փուլում Վրաստան ավելի քիչ զբոսաշրջիկներ են եկել, քան առաջ, դա ազդում Է փոխարժեքի վրա: Դա շատ հիվանդագին գործընթաց Է: Ես միանգամայն հասկանում եմ բոլոր նրանց, ովքեր վերապրում են այդ ազդեցությունը»,-հայտարարել Է Գվենեթաձեն: Վրաստանի Ազգային բանկի նախագահը կարծում Է, որ ստեղծված դրությունից ելքը ապադոլարացումն Է, հաղորդել Է Sputnik-ը: