1 րոպեի ընթերցում
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Գերմանիայում DELO արդյունաբերական սոսնձի արտադրության ընկերությունը 17,2 տոննա քաշով բեռնատար Է օդ բարձրացրել սոսնձի միջոցով եւ հայտնվել Է Գինեսի ռեկորդների գրքում: Այդ մասին, ինչպես տեղեկացնում Է «Արմենպրես»-ը, հաղորդվում Է Guinness World Records կայքում:
Մրցույթի համար մշակված սոսինձը քսել են ընդամենը 3,5 սանտիմետր շառավղով ալյումինե գլանին, որը տեղադրել են բեռնամբարձիչին: Հուլիսի 12-ին DELO-ի մասնագետները բեռնատարը բեռնակալիչ հարմարանքների միջոցով բարձրացրել են մեկ մետր վերեւ:
Ավտոմեքենան սոսնձից մեկ ժամ կախված Է եղել Գինեսի ռեկորդների գրքի ներկայացուցիչների եւ հանդիսականների հսկողությամբ: Համաշխարհային նվաճումը ճանաչել են պաշտոնապես: «Մեզ մոտ ստացվեց»,- հպարտորեն ասել Է DELO ընկերության կառավարիչ գործընկեր Սաբինա Հերոլդը: