Թեհրանի նախկին քաղաքագլխին մահապատժի են դատապարտել կնոջն սպանելու համար

ԵՐԵՎԱՆ, 30 ՀՈւԼԻՍԻ, ԱՐՄԵՆՊՐԵՍ: Թեհրանի նախկին քաղաքագլուխ եւ երկրի նախկին փոխնախագահ Մոհամադ Ալի Նաջաֆին մահապատժի Է դատապարտվել կնոջն սպանելու համար: Այդ մասին, ինչպես տեղեկացնում Է «Արմենպրես»-ը, հայտնել Է Mehr գործակալությունը՝ վկայակոչելով դատական մարմինների պաշտոնական ներկայացուցիչ Ղոլամ Հոսեյն Էսմայիլիին:

Ինչպես հայտարարել Է դատական մարմինների ներկայացուցիչը, Նաջաֆին մեղավոր Է ճանաչվել եւ դատապարտվել Է մահապատժի: Թեհրանի նախկին քաղաքագլխի կինը մայիսի վերջին գնդակահարվել Էր Թեհրանի հյուսիսի Էլիտային շրջանի բնակելի շենքում: Նաջաֆին ինքն Է հանձնվել իրավապահ մարմինների աշխատակիցներին եւ խոստովանել, որ սպանել Է կնոջը, հայտարարելով, որ դա տեղի Է ունեցել ընտանեկան խնդիրների պատճառով: Նաջաֆին Թեհրանի քաղաքագլխի պաշտոնն զբաղեցրել Է 2017 թվականի օգոստոսից մինչեւ 2018 թվականի ապրիլը: Իր քաղաքական կարիերայի ընթացքում նա գլխավորել Է նաեւ Իրանի կրթության նախարարությունը եւ բարձրագույն կրթության նախարարությունը, հաղորդել Է ՌԻԱ Նովոստին: