ՌԴ-ում ՀՀ դեսպանությունը ճշտում է Տյումենի մարզում տեղի ունեցած վթարի շուրջ տեղեկատվությունը
1 րոպեի ընթերցում
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Ռուսաստանում ՀՀ դեսպանությունը ճշտում է Հայաստանից դեպի Օմսկ ուղևորվող միկրոավտոբուսի մասնակցությամբ Տյումենի մարզում տեղի ունեցած վթարի շուրջ տեղեկատվությունը:
Այս մասին «Արմենպրես»-ին տեղեկացրին Ռուսաստանում ՀՀ դեսպանությունից:
«Ինտերֆաքս»-ի տվյալներով` Renault Logan մակնիշի թեթև մարդատար ավտոմեքենան բախվել է Հայաստանից Օմսկ մեկնող Toyota մակնիշի միկրոավտոբուսին:
Վթարի հետևանքով մահացել է մի կին, ևս վեց մարդ, այդ թվում նաեւ 15-ամյա պատանի, տուժել են:
