Զուրաբիշվիլին Մոսկվային կոչ Է արել չենթակվելու վրացական արմատական ուժերի սադրանքներին

ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Վրաստանի նախագահ Սալոմե Զուրաբիշվիլին դիմել Է Ռուսաստանի ղեկավարությանը՝ հանրապետության արմատապես տրամադրված քաղաքական ուժերի սադրանքներին չենթակվելու կոչով: Այդ մասին Զուրաբիշվիլին հայտարարել Է հուլիսի 9-ին Թբիբլիսիում կայացած ճեպազրույցում, տեղեկացնում Է «Արմենպրես»-ը:

«Ռուսաստանի ղեկավարությանը կոչ եմ անում չենթարկվելու Էսկալացիային: Պարադոքս կլինի, եթե հարեւան երկիրը պատասխանի այն ուժերի սադրանքներին, որոնք իր իսկ կողմից բնութագրված են որպես արմատական, եւ դրանով իսկ նպաստի նրանց խափանարարական նպատակներին»,- հայտարարել Է Զուրաբիշվիլին: Վրաստանի նախագահն ապաԷսկալացման կոչ Է արել երկրի ներսի քաղաքական ուժերին, որոնք, նրա խոսքով՝սպառնալիքի տակ են դնում երկրի կայունությունը: Ինչպես ընդգծել Է Զուրաբիշվիլին, որոշ մարդիկ, սքողվելով հայրենասիրության դրոշով, վնաս են հասցնում Վրաստանի քաղաքացիներին եւ նրանց տնտեսական բարեկեցությանն ինչպես երկրի ներսում, այնպես Էլ նրա սահմաններից դուրս»:

Վրաստանի «Ռուսթավի 2» հեռուստաալիքի հաղորդավար Գեորգի Գաբունիան հուլիսի 7-ին իր «Հետգրություն» հեղինակային հաղորդմանը մեկ րոպեից ավելի անցենզուր արտահայտություններ Է արել Ռուսաստանի ղեկավարության հասցեին: Նրա արտահայտությունները խստիվ դատապարտել են Վրաստանի նախագահ Սալոմե Զուրաբիշվիլին, վարչապետ Մամուկա Բախտաձեն, խորհրդարանի ղեկավար Արչիլ Տալակվաձեն, խորհրդարանի նախկին խոսնակ Իրակլի Կոբախիձեն, Թբիլիսի քաղաքագլուխ Կախա Կալաձեն: Հեռուստահաղորդավարին քննադատության Է ենթարկել նաեւ հեռուստաալիքի գլխավոր տնօրեն Նիկա Գվարամիան: Գաբունիայի արարքը բացասական արձագանքներ Է հարուցել Facebook-ի մեծ թվով վրացի օգտատերերի թվում, հաղորդել Է ՏԱՍՍ-ը: