Վրաստանի իշխանությունները պետք Է ներողություն խնդրեն ՈւՄՎ-ի հետ կապված իրադարձությունների համար. Սլուցկի

2 րոպեի ընթերցում

ԵՐԵՎԱՆ, 25 ՀՈւՆԻՍԻ, ԱՐՄԵՆՊՐԵՍ: Վրաստանի ղեկավարությունը պետք Է ներողություն խնդրի այն իրադարձությունների համար, որոնք տեղի ունեցան վրացական խորհրդարանում Ուղղափառության միջազգային վեհաժողովի (ՈւՄՎ) գլխավոր ասամբլեայի նստաշրջանում, եւ եզրակացություններ անել ստեղծված իրադրությունից: Այս կարծիքը հունիսի 25-ին լրագրողներին հայտնել Է Պետդումայի՝ միջազգային հարցերի կոմիտեի ղեկավար Լեոնիդ Սլուցկին, տեղեկացնում Է «Արմենպրես»-ը:

«Վրաստանը, ինչպես ցույց տվեցին Ուղղափառության միջազգային վեհաժողովի իրադարձությունները, ի վիճակի չԷ ապահովել նրանց անվտանգությունը, ովքեր ժամանում են բարձր մակարդակի միջազգային միջոցառման: Դա շատ ցավալի Է, ցավալի Է անձամբ ինձ եւ իմ բազմաթիվ գործընկերների համար, բայց ժամանակը տեղում չի կանգնում: Ես կարծում եմ, որ Վրաստանի ղեկավարությունը պետք Է ներողություն խնդրի»,-ասել Է Սլուցկին: Դրա հետ մեկտեղ նա ընդգծել Է, որ առայժմ վրացական իշխանությունները ներողություն չեն խնդրել ռուսական կողմից:

«Երկրորդ՝ հուսով եմ, որ կարվեն համապատասխան եզրակացություններ: Եվ եթե մենք վստահ լինենք, որ Վրաստանում մեր քաղաքացիների անվտանգությանը ոչինչ չի սպառնում, իսկ այժմ մենք դրանում ամենեւին վստահ չենք, ապա ցանկացած որոշում ինչ-որ մի ժամանակ կարող Է վերանայվել: Ես Վրաստանի ղեկավարությանը, քաղաքական գործիչներին, որոնք երկրում ներկայացնում են տարբեր քաղաքական ուժերի, խորհուրդ կտայի խորհրդածել այն մասին, թե ինչ տեղի ունեցավ, եւ համարժեք եզրակացություններ անել»,-նշել Է պատգամավորը, հաղորդել Է ՏԱՍՍ-ը:

Բաժանորդագրվեք մեր ալիքին Telegram-ում