Իրանի դեմ ԱՄՆ-ի նոր պատժամիջոցները սոսկ կբարդացնեն իրադրությունը. Ռյաբկով

ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Ռուսաստանն ԱՄՆ-ին կոչ Է անում ձեռնպահ մնալ նոր հակաիրանական պատժամիջոցներից, որոնք սոսկ կբարդացնեն իրադրությունը: Հունիսի 24-ին այս մասին լրագրողներին հայտարարել Է ՌԴ-ի արտաքին գործերի փոխնախարար Սերգեյ Ռյաբկովը, տեղեկացնում Է «Արմենպրես»-ը:

«Հարկավոր Է սպասել, թե ինչ կհայտարարվի (հունիսի 24-ին ԱՄՆ-ի պատժամիջոցների) այդ փաթեթով: Դա առաջին դեպքը չԷ, երբ ԱՄՆ-ն սպառնում Է նոր պատժամիջոցներով, փոխանակ ընդունի այդ իրավիճակում ակնհայտ մոդելը՝ այն Է՝ գտնել հնարավորություններ եթե ոչ ուղղակի քաղաքական երկխոսության, ապա երկխոսության եւ առկա խնդիրների դիվանագիտական լուծման համար,- ասել Է նա:- Իրադրությունը սոսկ կբարդանա: Դա ամբողջ իրադրության սրման գիտակցված, նպատակամիտված գծի արատացոլումն Է»:

Ռյաբկովը նաեւ խոստացել Է, որ Ռուսաստանը մյուս ողջամիտ ուժերի հետ մեկտեղ կհակազդի ԱՄՆ-ի նոր հակաիրանական պատժամիջոցներին, հաղորդել Է ՏԱՍՍ-ը: