ԵՐԵՎԱՆ, 21 ՀՈւՆԻՍԻ, ԱՐՄԵՆՊՐԵՍ: Վրաստանի նախկին նախագահ, ներկայում Ուկրաինայի քաղաքացի Միխեիլ Սահակաշվիլին կոչ Է անում իր բոլոր կողմնակիցներին՝ հունիսի 21-ին վերստին գալ Թբիլիսիի Ռուսթավելիի պողոտա՝ վերջ դնելու «Վրացական երազանք» իշխող կուսակցության առաջնորդ Բիձինա Իվանիշվիլիի կառավարմանը, տեղեկացնում Է «Արմենպրես»-ը:
«Այժմ բոլոր հարցերն անհրաժեշտ Է մի կողմ դնել, բոլոր նրանք, ովքեր սիրում են Վրաստանը, այդ թվում՝ իմ բոլոր կողմնակիցները, պետք Է դուրս գան, որպեսզի հեռացնեն Իվանիշվիլիի ռեժիմը»,-հայտարարել Է Սահակաշվիլին սոցցանցում տեսահեռարձակման ընթացքում:
Նրա խոսքով՝ «անթույլատրելի Է, որ միջնադարյան ֆեոդալը կառավարի Եվրոպայի մասը դառնալու հավակնող երկիրը»: «Այդ մարդը ավերել Է Վրաստանի տնտեսությունը, եւ միլիոնավոր վրացիներ են փախել երկրից, իսկ երեկ նա մինչեւ վերջ ծիծաղեց մեզ վրա ու հողին հավասարեցրեց»,-ասել Է Սահակաշվիլին:
«Այդ մարդը պետք Է հեռանա եւ վերադարձնի այն ամենը, ինչ գողացել Է վրաց ժողովրդից՝ միլիարդավոր լարիներ վերջին հինգ տարվա ընթացքու»,-հավելել Է Վրաստանի նախկին նախագահը, հաղորդել Է «Ինտերֆաքս»-ը: