Նախագահ Արմեն Սարգսյանը տիկնոջ հետ դիտել է իտալացի արվեստագետ Դանիելե Սպանոյի ինստալյացիայի ցուցադրությունը
1 րոպեի ընթերցում
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ:Հանրապետության նախագահ Արմեն Սարգսյանը հունիսի 4-ին տիկնոջ՝ Նունե Սարգսյանի հետ այցելել է «Գաֆէսճեան» արվեստի կենտրոն, դիտել իտալացի վիզուալ արվեստագետ Դանիելե Սպանոյի՝ եռաչափ արտապատկերման սկզբունքով ստեղծած ինստալյացիայի ցուցադրությունը:
Ինչպես «Արմենպրես»-ին տեղեկացրին Հայաստանի Հանրապետության նախագահի աշխատակազմի հասարակայնության հետ կապերի վարչությունից,ցուցադրությունը կազմակերպվել է Հայաստանում Իտալիայի դեսպանատան կողմից իրականացվող «ՕՐԲԻՍ» նախագծի շրջանակում: