2 րոպեի ընթերցում
ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Կանադայի Սուրեյ քաղաքի 58-ամյա բնակիչ Վիտո Խալասանը 2009 թվականին Ֆիլիպիններից տեղափոխվել Է Կանադա՝ երազելով լավ կյանք ապահովել իր ընտանիքի համար: 10 տարի անց նա հնարավորություն Է ստացել իրականացնել իր երազանքը, տեղեկացնում Է «Արմենպրես»-ը:
Իր ծննդյան օրվանից մի քանի օր անց Վիտո Խալասանը, որը հավաքարար Է աշխատում դպրոցում, անսպասելի նվեր Է ստացել ճակատագրից. նա իմացել Է, որ վիճակախաղի տոմսով 7 մլն կանադական դոլար Է շահել, հայտնել Է PEOPLE-ը: 58-ամյա հավաքարարը վատ տեսողություն ունի, ուստի երկար նայում Էր վիճակախաղի տոմսի թվերին եւ հրաժարվում Էր հավատալ իր աչքերին. չԷ որ դրանք համընկնում Էին շահող թվերին:
Հասարակ հավաքարարից նա միանգամից վերածվում Է միլիոնատիրոջ: Վիտոն երեք երեխա ու չորս թոռ ունի, եւ վիճակախաղի տոմսեր Էր գնում երազելով բարեկեցիկ կյանք ապահովել նրանց համար: «Ես երազում եմ հնարավորություն ունենալ հոգ տանել իմ երեխաների մասին եւ նրանց ապագան ավելի լավը դարձնել: Այժմ մենք կկարողանանք լավ տուն գնել իմ զավակների ու թոռների համար»,- ասել Է նա:
Բայց անակնկալ միլիոնները, ինչպես պարզվեց, բավարար չԷին ձեռք բերվածով սահմանափակվելու համար: Վիտոն հայտարարել Է, որ կշարունակի հավաքարար աշխատել, պարզապես կսկսի ավելի քիչ հերթափոխ վերցնել: Իր համար կարեւոր Է երեխաներին ավելի շատ տալ, եւ մի քանի միլիոն դոլարը սահման չԷ: