Ջավախքի արգելավայրերի տարածքը կընդլայնվի մեկ երրորդով
1 րոպեի ընթերցում
![Ջավախքի արգելավայրերի տարածքը կընդլայնվի մեկ երրորդով](http://armenpress.am/resized/480/static/news/b/2019/05/976053.jpg)
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Վրաստանի կառավարությունը խորհրդարանում նախաձեռնել Է օրինագիծ, որը ենթադրում Է Ջավախքի երկրամասում՝ երկրի հարավում, պետության կողմից պահպանվող տարածքների ընդլանում 31,5 տոկոսով: Այդ մասին, ինչպես տեղեկացնում Է «Արմենպրես»-ը, ասված Է Facebook սոցիալական ցանցում շրջակա միջավայրի եւ գյուղատնտեսության նախարարության Էջում զետեղված հաղորդագրության մեջ:
«Ջավախքի պահպանվող տարածքներն» ընդգրկում են Ախալքալաքի եւ Նինոծմինդայի շրջանները: Այսօր այդ տարածքների մակերեսն ավելի քան 16,2 հազար հեկտար Է: Պլանավորվում Է դրանք ավելացնել 5,1 հազար հեկտարով:
Ապագայում նախարարությունը պլանավորում Է Ջավախքի լճերում աճեցնել ձկների տարատեսակներ, այդ թվում՝ այն ձկների, որոնք այնտեղ անցյալում հանդիպել են:
«Բոլորն, ովքեր եղել են այդ գեղեցկագույն եզերքում, կհամաձայնեն, որ այդ տարածաշրջանը բացառիկ տուրիստական ներուժ ունի, որն օգտագործված չԷ»,- հայտարարել Է վարչապետ Վրաստանի Մամուկա Բախտաձեն, հաղորդել Է Sputnik-ը: