Թոնի Կրոսը երկարաձգել է պայմանագիրը «Ռեալ»-ի հետ

ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Գերմանիայի ֆուտբոլի ազգային թիմի կիսապաշտպան Թոնի Կրոսը երկարաձգել է պայմանագիրը Մադրիդի «Ռեալ»-ի հետ:

«Արմենպրես»-ի հաղորդմամբ՝ այս մասին հայտնում է ակումբի պաշտոնական կայքը: Գերմանացու նոր պայմանագիրը «արքայական ակումբի» հետ նախատեսված է մինչև 2023 թվականի հունիսի 30-ը: Այլ մանրամասներ հայտնի չեն:

Թոնի Կրոսը մադրիդյան ակումբի տեղափոխվեց 2014 թվականին Մյունխենի «Բավարիա»-ից 25 միիոն եվրո դիմաց: