Ռուսաստանը խնդիր է, բայց մենք չենք վախենում. Սալոմե Զուրաբիշվիլի

ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: «Ռուսաստանը խնդիր Է, բայց մենք չենք վախենում, քանի որ եթե կենտրոնանանք վախի վրա, կմոռանանք մնացած ամեն ինչ»,-«TVP Info»-ի եթերում հայտարարել Է Վրաստանի նախագահ Սալոմե Զուրաբիշվիլին, որն առաջին պաշտոնական այցով գտնվում Է Լեհաստանում: Նրա խոսքով՝ 2008 թվականի ողբերգական իրադարձություններից հետո արդեն դժվար Է ինչ-որ բանով վախեցնել վրացիներին, տեղեկացնում Է «Արմենպրես»-ը՝ հղում անելով «Գրուզիա Online»-ին:

«Ռուսաստանը խնդիր Է, բայց մենք չենք վախենում, քանի որ եթե կենտրոնանանք վախի վրա, կմոռանանք մնացած ամեն ինչ եւ կմտածենք միայն դրա մասին: Դա սխալ ճանապարհ Է, քանի որ այդպես երկիր չի կառուցվում, եւ այդպես զարգացման հնարավորություններ չեն հայտնվում: Մենք կենտրոնանում ենք ՆԱՏՕ-ին եւ Եվրամիությանը անդամակցելու, երկրի տնտեսական ու սոցիալական զարգացման վրա»,-ասել Է նախագահը:

Նա նշել Է, որ Վրաստանը որպես պետություն չպետք Է դիտարկվի միայն Ռուսաստանի հետ դիմակայության պրիզմայով: «Վրաստանը գոյություն ունի որպես անկախ պետություն, որը ցանկանում Է անդամակցել ՆԱՏՕ-ին եւ Եվրամիությանը, որն ունի իր արտաքին ու տնետսական քաղաքականությունը: Ռուսաստանը չի որոշում ո՛չ մեր ապագան, ո՛չ մեր գոյությունը»,-հավելել Է Սալոմե Զուրաբիշվիլին: