«Միջուկային գործարքի» երաշխավոր երկրներին Իրանի վերջնագիրը չի վերաբերի ՌԴ-ին
2 րոպեի ընթերցում
![«Միջուկային գործարքի» երաշխավոր երկրներին Իրանի վերջնագիրը չի վերաբերի ՌԴ-ին](http://armenpress.am/resized/480/static/news/b/2019/05/974515.jpg)
ԵՐԵՎԱՆ, 13 ՄԱՅԻՍԻ, ԱՐՄԵՆՊՐԵՍ: Իրանի նախագահ Հասան Ռոուհանիի վերջնագրին այն մասին, որ «միջուկային գործարքի» երաշխավոր երկրները պետք Է 60 օրվա ընթացքում կատարեն Իսլամական Հանրապետության հանդեպ իրենց պարտավորությունները, չի վերաբերում Ռուսաստանին: Այդ մասին, ինչպես տեղեկացնում Է «Արմենպրես»-ը, մայիսի 13-ին հայտնել Է «Իզվեստիա» թերթը՝ վկայակոչելով Իրանի դիվանագիտական շրջանների բարձրաստիճան մի աղբյուր:
Ինչպես «Իզվեստիա»-ին պատմել Է Իրանի դիվանագիտական շրջանների աղբյուրը, Իսլամական Հանրապետության ուղերձն ուղղված Է հիմնականում եվրոպական մասնակիցներին՝ նրանց ստիպելու ավելի արագ գործարկել Իրանի հետ հաշվարկների վճարային մեխանիզմը՝ առանց ԱՄՆ-ին նայելու:
«Մենք նամակներ ենք հղել պայմանագրի հինգ մասնակիցներին: Այդ նամակների տեքստը նույնական Է: Բայց դա բնավ չի նշանակում, թե Ռուսաստանի նկատմամբ մեր դիրքորոշումը նույնպիսին Է, ինչպես, օրինակ, Ֆրանսիայի նկատմամբ: Ռուսաստանի նկատմամբ մեր դիրքորոշումը մենք շատ խիստ տարբերում ենք եվրոպական երկրների նկատմամբ մեր դիրքորոշումից»,- մեջբերում Է հրատարակությունն Իրանի դիվանագիտական շրջաններից զրուցակցի խոսքը:
Այն հարցին, թե դա նշանակում Է արդյոք, որ Իրանի ղեկավարի վերջնագիրը չի վերաբերում Մոսկվային, թերթի աղբյուրը դրական պատասխան Է տվել, հաղորդել Է «Ինտերֆաքսը»: