ՌԴ-ն եւ Իրանը պայմանավորվեցին աշխատել ԳՀՀԾ-ի բոլոր կողմերի հետ, բացի ԱՄՆ-ից. Լավրով

ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Ռուսաստանը եւ Իրանը պայմանավորվել են աշխատել Գործողությունների համատեղ համապարփակ ծրագրի բոլոր կողմերի հետ, բացի ԱՄՆ-ից: Այդ մասին, ինչպես հաղորդել Է ՏԱՍՍ-ը, հայտարարել Է ՌԴ արտաքին գործերի նախարար Սերգեյ Լավրովը, տեղեկացնում Է «Արմենպրես»-ը:

ԱՄՆ-ի անօրինական պատժամիջոցները խանգարում են ՌԴ-ի եւ Իրանի առեւտրական համագործակցությանը, Մոսկվան եւ Թեհրանը նոր ուղիներ են որոնելու, հավելել Է նախարարը: Լավրովի խոսքով՝ Իրանի հետ հաշվարկների ԵՄ-ի INSTEX մեխանիզմը նվազ արդյունավետ Է, քան պլանավորվում Է: Իրանական միջուկային գործարքի մնացած մասնակիցները կանցկացնեն կոնսուլտացիաներ, բայց հազիվ թե առաջիկայում կայանա նախարարների հանդիպում, նշել Է ՌԴ ԱԳ նախարարը:

Լավրովը համոզված Է, որ ԱՄՆ-ը չի վերադառնա Իրանի վերաբերյալ Գործողությունների համատեղ համապարփակ ծրագրի կատարմանը: Նա անիրատեսական Է համարել ԱՄՆ-ի ճնշման ներքո Սիրիայից Իրանի հեռանալը: