1 րոպեի ընթերցում
ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: Հայ գրոսմայստերները շարունակում են ելույթները Իսլանդիայի միջազգային մրցաշարում:
«Արմենպրես»-ի հաղորդմամբ` մրցաշարի 7-րդ տուրում Սերգեյ Մովսեսյանը, Ռոբերտ Հովհաննիսյանը ոչ-ոքի խաղացին, իսկ Տիգրան Պետրոսյանը հաղթանակ տոնեց:
Մրցաշարի ավարտից երկու տուր առաջ Ռոբերտ Հովհաննիսյանը, Տիգրան Պետրոսյանը մեկական միավորով զիջում են առաջատարին: Սերգեյ Մովսեսյանն ունի 5 միավոր:
«Ռեյկյավիկ «Gamma» միջազգային բաց մրցաշարն անցկացվում է շվեյցարական սիստեմով և բաղկացած է 9 տուրից: Մրցաշարին մասնակցում է 150 շախմատիստ: Այն կեզրափակվի ապրիլի 16-ին: