ԻՀՊԶ-ի դեմ ԱՄՆ-ի գործողություններն արդյունք չեն տա. այաթոլլա Խամենեի
3 րոպեի ընթերցում
![ԻՀՊԶ-ի դեմ ԱՄՆ-ի գործողություններն արդյունք չեն տա. այաթոլլա Խամենեի](http://armenpress.am/resized/480/static/news/b/2019/04/970615.jpg)
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Թեհրանի եւ Իսլամական հեղափոխության պահապանների զորակազմի դեմ Վաշինգտոնի գործողությունները արդյունք չեն տա: Այդ մասին, ինչպես ապրիլի 9-ին հայտնել Է ISNA գործակալությունը, հայտարարել Է Իրանի ղեկավար եւ հոգեւոր առաջնորդ այաթոլլա Ալի Խամենեին այն բանից հետո, երբ ԱՄՆ-ի նախագահ Դոնալդ Թրամփը որոշեց ԻՀՊԶ-ն ներառել օտարերկրյա ահաբեկչական կազմակերպությունների ցուցակում, տեղեկացնում Է «Արմենպրես»-ը:
«Մեր պահապանները մեր հեղափոխության թշնամիների դեմ պայքարի առաջնագծում են եւ միշտ պաշտպանել են երկիրը»,- գործակալությունը մեջբերել Է Խամենեիի խոսքը:
Նա նաեւ նշել Է, որ «ԻՀՊԶ-ի եւ Իրանի դեմ ԱՄՆ-ի դավերն արդյունք չեն տա»: Իրանի ղեկավարի խոսքով՝ «Իրանի թշնամիները 40 տարվա ընթացքում ամեն տեսակ ճնշումներ Էին գործադրում Թեհրանի վրա», ինչն ի ցույց Է դնում «իրանական ազգի շարժումը կանգնեցնելու ԱՄՆ-ի անկարողությունը»: Իր հերթին, Իրանի նախագահ Հասան Ռոուհանին սխալ Է համարել Իսլամական հեղափոխության պահապանների զորակազմն օտարերկրյա ահաբեկչական կազմակերպությունների ցուցակում ներառելու Վաշինգտոնի որոշումը:
«ԱՄՆ-ը առաջատար դեր Է խաղում աշխարհում ահաբեկչության տարածման մեջ: Ամերիկան սխալ գործեց՝ ԻՀՊԶ-ն ճանաչելով ահաբեկչական կազմակերպություն: Իրանական ժողովրդի մեջ զորակազմի հեղինակությունը միայն կմեծանա»,-ասել Է նախագահը: Ռոուհանին հավելել Է, որ ԻՀՊԶ-ն «միշտ Էլ ահաբեկիչների դեմ պայքարով Է զբաղվել Մերձավոր Արեւելքում, Իրաքում, Սիրիայում», մինչ «Իրանի թշնամիները զինում Էին ահաբեկիչներին, նրանց պայթանյութ մատակարարում արյունահեղություն սարքելու համար»:
Իրանի նախագահը հայտարարել Է, որ իր երկրի վրա ԱՄՆ-ի ճնշումը չի բերում այն արդյունքները, որոնք ակնկալում Է Վաշինգտոնը: «Ինչի՞ եք դուք ձգտում հասնել պատժամիջոցներով: Դուք ասում եք, որ դրանք հարկավոր են, որպեսզի խանգարվի մեր զարգացումը, բայց դա սուտ Է: Այդ ստի ապացույցը մեր առաջընթացն Է տեխնոլոգիական բնագավառում, միջուկային մշակումներում, նոր ցենտրիֆուգների գործարկման ասպարեզում»,-հայտարարել Է Ռոուհանին: ԱՄՆ-ի վարչակազմն ապրիլի 8-ին հայտարարել Է, որ ԻՊՀԶ-ն ներառում Է օտարերկրյա ահաբեկչական կազմակերպությունների ցուցակում: Իր հերթին, Իրանի ազգային անվտանգության բարձրագույն խորհուրդն անհիմն Է որակել Վաշինգտոնի ընդունած որոշումը, ահաբեկչական կազմկերպություն Է ճանաչել ԱՄՆ-ի զինված ուժերի կենտրոնական հրամանատարությանը (CENTCOM), իսկ Միացյալ Նահանգները՝ «ահաբեկչությունը հովանավորող պետություն», հաղորդել Է ՏԱՍՍ-ը: