ՆԱՏՕ-ն չի կարող դյուրահավատ լինել Ռուսաստանի հետ հարաբերություններում. Ենս Ստոլտենբերգ
1 րոպեի ընթերցում
![ՆԱՏՕ-ն չի կարող դյուրահավատ լինել Ռուսաստանի հետ հարաբերություններում. Ենս Ստոլտենբերգ](http://armenpress.am/resized/480/static/news/b/2019/04/970019.jpg)
ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ: ՆԱՏՕ-ն չի կարող դյուրահավատ լինել Ռուսաստանի հետ հարաբերություններում: Այդ մասին հայտարարել Է կազմակերպության գլխավոր քարտուղար Ենս Ստոլտենբերգը՝ Հյուսիսատլանտյան դաշինքի 70-ամյակի նախօրյակին ելույթ ունենալով ԱՄՆ-ի Կոնգրեսում, տեղեկացնում Է «Արմենպրես»-ը՝ հղում անելով BBC-ին:
«Մենք սպառազինությունների նոր մրցավազք չենք ցանկանում: Սառը պատերազմ չենք ցանկանում: Բայց մենք չպետք Է դյուրահավատ լինենք»,- հայտարարել Է Ստոլտենբերգը: Նա Ռուսաստանին կոչ Է արել վերադառնալ միջին եւ փոքր հեռահարության հրթիռների պայմանագրին (ՄՓՀՀՊ): ՆԱՏՕ-ն «հայելային» պատասխան չի տա Ռուսաստանին: Դաշինքը, նրա խոսքով՝ «մտադրություն չունի ցամաքային միջուկային համալիրներ տեղակայել Եվրոպայում», բայց ՆԱՏՕ-ն «միշտ կձեռնարկի միջոցներ, որոնք անհրաժեշտ են արդյունավետ զսպման համար»:
«Ես շարունակում եմ կոչ անել Ռուսաստանին՝ վերադառնալու պայմանագրի կատարմանը, բայց նա առայժմ քայլեր չի արել այդ ուղղությամբ, մինչդեռ ժամանակն անցնում Է»,- ասել Է Ստոլտենբերգը: