Սահակաշվիլին կարող Էր դառնալ 21-րդ դարի Վրաստանի կարեւորագույն դեմքը. Զուրաբիշվիլի

ԵՐԵՎԱՆ, 2 ԱՊՐԻԼԻ, ԱՐՄԵՆՊՐԵՍ: Վրաստանի նախագահ Սալոմե Զուրաբիշվիլին կարծում Է, որ հանրապետության նախկին նախագահ Միխեիլ Սահակաշվիլին կարող Էր դառնալ 21-րդ դարի Վրաստանի կարեւորագույն դեմքը: Զուրաբիշվիլին նրա դերը գնահատել Է որպես «կարեւոր», բայց, իր խոսքով, Սահակաշվիլին իշխանությունից կորցրեց գլուխը եւ թույլ տվեց բազմաթիվ «վիթխարի սխալներ», տեղեկացնում Է «Արմենպրես»-ը՝ հղում անելով «Գրուզիա Online»-ին:

«Սահակաշվիլին սկսեց բարենորոգումներ, որոնք շարունակվում են մինչ օրս, եւ այդ տեսանկյունից նա կարեւոր դեր Է կատարեց: Նա կարող Էր դառնալ 21-րդ դարի Վրաստանի կարեւորագույն դեմքը, կամ, հնարավոր Է՝ ոչ միայն մեկ դարի, բայց իշխանությունից կորցեց գլուխը եւ դարձավ անձնիշխանական, ինչը բարենորոգումները ցուցադրեց այլ լույսի ներքո: Եվ, բնականաբար, նրա վիթխարի սխալներից մեկն այն Էր, որ նա գլուխ չհանեց ռուսական սադրանքներից 2008 թվականի պատերազմի ժամանակ: Այդպես, «սառեցված» հակամարտությունը վերածվեց տարածքների անմիջական բռնազավթման»,- հայտարարել Է Վրաստանի նախագահ Սալոմե Զուրաբիշվիլին «Շպիգել» հրատարակությանը տված հարցազրույցում: