Չինաստանի քիմիական գործարանում պայթյունի զոհերի թիվը հասել Է 78-ի

ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: Չինաստանի Ցզյանսու արեւելյան նահանգի քիմիական գործարանում տեղի ունեցած պայթյունի զոհերի թիվը հասել Է 78-ի: Այդ մասին, ինչպես տեղեկացնում Է «Արմենպրես»-ը, մարտի 25-ին կայացած մամուլի ասուլիսում հայտարարել Է Յանչեն քաղաքի քաղաքագլուխ Ցաո Լուբաոն: Ավելի վաղ հաղորդվել Է 67 զոհվածների մասին:

«Ժամը 12:00-ի դրությամբ (Երեւանի ժամանակով ժամը 08:00) Ցզյանսուի նահանգի քիմիական գործարանում պայթյունի հետեւանքով զոհվել Է 78 մարդ»,-ասել Է պաշտոնյան:

Նշվում Է, որ 13 տուժածներ օրհասական վիճակում են, եւս 66-ը՝ ծանր:

Յանչեն քաղաքային օկրուգի Սյանշույ գավառի «Չենցզյագան» քիմիական արդյունաբերական գոտու տարածքում «Ցզյանսու Տյանցզյայ» քիմիական գործարանում պայթյունը տեղի Է ունեցել մարտի 21-ին տեղական ժամանակով ժամը մոտավորապես 14:00-ին (Երեւանի ժամանակով ժամը 10:00-ին), հաղորդել Է ՌԻԱ Նովոստին: