Կարեն Գրիգորյանը հաղթանակով մեկնարկեց Տաշքենդի Օփենում 

ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Հայ շախմատիստները հաջող են մեկնարկել Տաշքենդի միջազգային մրցաշարում:

«Արմենպրես»-ի հաղորդմամբ` Ուզբեկստանի մայրաքաղաք Տաշքենդում մեկնարկել է շախմատիստ Ագզամովի հիշատակին նվիրված Տաշքենդ Օփեն միջազգային մրցաշարը, որին մասնակցում է 73 շախմատիստ 12 երկրից, այդ թվում՝ 12 գրոսմայստեր:

Մրցաշարում ամենաբարձր դասակարգված շախմատիստը գրոսմայստեր Կարեն Գրիգորյանն է: Մասնակիցների թվում է նաև վերջերս Իրանում մի շարք մրցաշարերում հաջող հանդես եկած երիտասարդ ՖԻԴԵ-ի վարպետ Վահե Դանիելյանը: Առաջին տուրում Հայաստանի երկու պատվիրակն էլ հաղթանակներ տոնեցին: