Իրանը Եվրամիությունից պահանջել Է արագացնել հաշվարկների մեխանիզմի աշխատանքը
2 րոպեի ընթերցում
![Իրանը Եվրամիությունից պահանջել Է արագացնել հաշվարկների մեխանիզմի աշխատանքը](http://armenpress.am/resized/480/static/news/b/2019/02/964667.jpg)
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Թեհրանը Եվրոպայից պահանջել Է արագացնել Իրանի հետ հաշվարկների մեխանիզմի ուղղությամբ տարվող աշխատանքը՝ շրջանցելով ԱՄՆ-ի պատժամիջոցները: Այդ մասին, ինչպես տեղեկացնում Է «Արմենպրես»-ը, հայտարարել Է Իրանի արտաքին գործերի նախարարության պաշտոնական ներկայացուցիչ Բահրամ Քասեմին:
Ավելի վաղ Ֆրանսիայի, Գերմանիայի եւ Մեծ Բրիտանիայի ԱԳ նախարարությունների ղեկավարները հայտարարել են Իրանի հետ հաշվարկների համատեղ մեխանիզմի՝ INSTEX-ի գրանցման մասին: Առաջին փուլում այն պետք Է ապահովի դեղորայքի, բժշկական սարքավորումների եւ գյուղատնտեսական արտադրանքի մատակարարումները:
ԱՄՆ-ի պատժամիջոցների շրջանցմամբ՝ Իրանի հետ փոխգործակցության համար վճարային մեխանիզմի ստեղծման վերաբերյալ որոշումն ընդունվել Է միջուկային գործարքից Միացյալ Նահանգների դուրս գալուց հետո: Քասեմին նշել Է, որ ԱՄՆ-ն այդ ուղղությամբ շարունակում Է ճնշում գործադրել՝ դեմ լինելով Իրանի եւ Եվրոպայի գործակցությանը: «Բացառությամբ այդ մեխանիզմի գրանցման, Եվրոպայի կողմից որեւիցե այլ ձեռքբերում մենք չտեսանք»,-ԱԳ նախարարության ներկայացուցչի խոսքը մեջբերել Է IRNA գործակալությունը:
Նա նաեւ հայտարարել Է, որ Թեհրանը Եվրոպայից ակնկալում Է մեխանիզմի «հնարավորինս արագ իրագործում»: «Իրանը բացահայտորեն հայտարարել Է եվրոպական երկրներին, որ իր համբերությունը սահմաններ ունի»,-հավելել Է նա: Իրանի արտաքին գործերի նախարար Մոհամադ Ջավադ Զարիֆն ավելի վաղ հայտարարել Է, որ Եվրամիության երկրները, ներդնելով Իրանի հետ հաշվարկների մեխանիզմը, բավարար քայլեր չեն անում միջուկային գործարքը պահպանելու համար, հաղորդել Է ՌԻԱ Նովոստին: