Իսպանիայում ավելի քան երեք տոննա կոկաին են առգրավել թմրավաճառներից

ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Իսպանիայի իրավապահ մարմիններն արգրավել են 3,3 տոննա կոկաին եւ կասեցրել այն խմբավորման գործունեությունը, որը երկիր թմրանյութեր Էր ներկրում Հարավային Ամերիկայից: Այդ մասին, ինչպես տեղեկացնում Է «Արմենպրես»-ը, ասված Է իսպանական ոստիկանության մամուլի տեղեկագրում: Նշվում Է, որ նավը, որով տեղափոխվում Էր կոկաինը, հունվարի 30-ի առավոտյան Պորտուգալիայի անվտանգության ուժերի կողմից կալանվել Է երկրի ափերից ոչ հեռու: Նավն ուղեկցել են Սետուբուլ քաղաքի նավահանգիստ, որտեղ դրան արդեն սպասում Էին Իսպանիայի իրավապահ մարմինների աշխատակիցները, որոնք զբաղվում են հետաքննությամբ:

Գործողության ընթացքում ձերբակալվել Է 11 մարդ, որոնց թվում են Ուկրաինայի ութ քաղաքացիներ, մեկ վրացի, մեկ հոլանդացի եւ մեկ ֆրանսիացի:

Ինչպես նշվում Է, գործողությունն սկսվել Էր 2017 թվականի նոյեմբերին՝ թմրանյութերի դեմ պայքարի ծառայությունների միջեւ տեղեկատվության փոխանակումից հետո:

Քննիչներին հայտնի Էր դարձել միջազգային կազմակերպության մասին, որը թմրանյութերի խոշոր խմբաքանակներ Է տեղափոխում օվկիանոսով, հաղորդել Է ՌԻԱ Նովոստին: