ԱՀԿ-ն Եվոպայում կարմրուկով վարակվածների ռեկորդային աճ Է արձանագրել վերջին 10 տարում

ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Առողջապահության համաշխարհային կազմակերպությունը (ԱՀԿ) Եվրոպայում կարմրուկով վարակվածների ռեկորդային քանակ Է արձանագրել վերջին 10 տարում: Փետրվարի 7-ին այս մասին հաղորդվել Է կազմակերպության կայքում, տեղեկացնում Է «Արմենպրես»-ը:

«2018 թվականին կարմրուկից մահացել Է Եվրոպայի տարածաշրջանի 72 բնակիչ՝ ինչպես երեխաներ, այնպես Էլ չափահասներ: 2018 թվականի հունվարից մինչեւ դեկտեմբեր ընկած ժամանակամիջոցում երկրների ամսական հաշվետությունների տվյալներով (որոնք ստացվել են 2019 թվականի փետրվարի 1-ի դրությամբ), կարմրուկով 82 հազար 596 մարդ Է վարակվել տարածաշրջանի 53 երկրներից 47-ում»,- ասված Է զեկույցում:

Նշվում Է, որ 2018 թվականին կարմրուկով վարակվածների թիվը եռակի գերազանցում Է 2017 թվականի նույն ցուցանիշը եւ 15 անգամ՝ 2016 թվականի ցուցանիշը: «Հոսպիտալացման վերաբերյալ տվյալներ տրամադրած երկրներում հոսպիտալացվել Է հիվանդացածների առնվազն երկու երրորդը (61 տոկոսը)»,- հավելել են ԱՀԿ-ում: Եվրոպայում կարմրուկի հետ կապված առավել ծանր վիճակ Է ստեղծվել Ուկրաինայում: ԱՀԿ-ի զեկույցի համաձայն՝ Ուկրաինայում հիվանդացել Է 53 հազար 218 մարդ: Հիվանդացածների քանակով առաջատարների թվում են Սերբիան (5 076), Ֆրանսիան (2 913), Իտալիան (2 517), հաղորդել Է ՏԱՍՍ-ը: