Իրանը հայտնվել Է վերջին 40 տարվա ընթացքում ամենաբարդ տնտեսական իրավիճակում. Հասան Ռոուհանի

1 րոպեի ընթերցում

ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Իրանը հայտնվել Է վերջին 40 տարվա ընթացքում ամենաբարդ տնտեսական իրավիճակում: Այդ մասին, ինչպես տեղեկացնում Է «Արմենպրես»-ը, հայտնել Է երկրի նախագահ Հասան Ռոուհանին: «Այսօր մեր երկիրը գտնվում Է ճնշման եւ տնտեսական պատժամիջոցների ներքո, որոնք ծանրագույնն են վերջին 40 տարվա ընթացքում:

Այսօր մենք ճնշման ենք ենթարկվում Ամերիկայի ու նրա հետեւորդների կողմից: Եվ դրանում չկա բարեխիղճ կառավարության եւ իսլամական համակարգի մեղքը»,-Իրանի նախագահի խոսքը մեջբերվում Է նրա կայքում:

«Եթե մենք միասնական լինենք, կհաղթահարենք դա»,-նշել Է Ռոուհանին: «ԱՄՆ-ի վարչակազմը որոշակիորեն անհաջողության մատնվեց իր հակաիրանական քաղաքականության վերջին քայլով… ոչ ոք մեզ վնաս չի պատճառի, քանի դեռ մենք գնում ենք գերագույն առաջնորդի (այաթոլլա Ալի Խամենեիի) հետեւից»,-հավելել Է նախագահը:

2018 թվականին մայիսին ԱՄՆ-ի նախագահ Դոնալդ Թրամփը հայտարարել Է իրանական միջուկային ծրագրի վերաբերյալ միջազգային համաձայնագրից Միացյալ Նահանգների դուրս գալու մասին եւ վերականգնել կոշտ պատժամիջոցները Իրանի տնտեսության Էներգետիկական, ֆինանսական եւ այլ սեկտորների նկատմամբ, հաղորդել Է «Ինտերֆաքս»-ը:

Բաժանորդագրվեք մեր ալիքին Telegram-ում