ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: «Գաբրիել» ձնամրրիկը, որն անցել Է Ֆրանսիայով, առանց լույսի Է թողել 41 հազար տնային տնտեսություն: Այդ մասին, ինչպես տեղեկացնում Է «Արմենպրես»-ը, ասված Է ֆրանսիական Enedis Էլեկտրամատակարարման ընկերության հաղորդագրության մեջ:
«Ֆրանսիայով անցած «Գաբրիել» ձնամրրիկի պատճառով, ժամը 09:00-ի (Երեւանի ժամանակով ժամը 12:00) տվյալներով, առանց Էլեկտրականության Է մնացել 41 հազար տնային տնտեսություն: Մեր աշխատակիցները մոբիլիզացված են տեղերում, տուժած շրջաններում Էլեկտրամատակարարման գրեթե ամբողջական վերականգնումն սպասվում Է մինչեւ երեկո»,-ասված Է ընկերության` Twitter ցանցում զետեղված հաղորդագրության մեջ: «Գաբրիելը» Ֆրանսիայում մոլեգնում Է լույս հունվարի 30-ի գիշերը: Փոթորիկն ուղեկցվել Է ուժեղ քամիով, որի պոռթկումների արագությունն առանձին շրջաններում գերազանցել Է 110 կիլոմետր/ժամ նշագիծը: Ձյան ծածկույթի հաստությունը տեղ-տեղ հասել Է 10 սանտիմետրի:
Ֆրանսիական Meteo France օդերեւութաբանական ծառայության հաղորդագրության համաձայն, «Գաբրիելը» հեռացել Է երկրից՝ շարժվելով դեպի Գերմանիա, հաղորդել Է ՌԻԱ Նովոստին: