Ավստրիայի կանցլերը չի բացառել «դեղին բաճկոնավորների» բողոքների տարածումը Եվրոպայում

ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Ավստրիայի ֆեդերալ կանցլեր Սեբաստիան Կուրցն այն կարծիքին Է, որ Ֆրանսիայի «դեղին բաճկոնավորների» օրինակով բողոքի շարժում կարող Է սկսվել Եվրոպայի այլ երկրներում, բայց ոչ Ավստրիայում: Նա այդ կարծիքը հայտնել Է հունվարի 30-ին CNews հեռուստաալիքի եթերում:

«Եվրոպայի մյուս երկրներում հնարավոր Է… բայց Ավստրիայում, հավանաբար՝ ոչ»,- հայտարարել Է նա՝ պատասխանելով եվրոպական այլ երկրներում բողոքների ի հայտ գալու հնարավորության վերաբերյալ հարցին: «Ես մերժում եմ ամեն տեսակ բռնություն,- ընդգծել Է նա:- Ավստրիայում մենք գտնում ենք, որ «դեղին բաճկոնավորների» բողոքները դաժան բնույթ են կրում: Մենք ազատ երկիր ենք: Մեզ մոտ Էլ շատ են ցույցեր անցկացվում, ինչը վատ չԷ քաղաքական մշակույթի համար, բայց դրանք միշտ խաղաղ են, առանց բռնության»: «Դեղին բաճկոնավորների» շարժումը Ֆրանսիայում սկիզբ Է առել նոյեմբերի կեսին՝ ի նշան գների ու հարկերի աճի դեմ բողոքի: Հետագայում ցուցարարների պահանջներն ուղղվեցին պետական իշխանության ինստիտուտների դեմ, որոնց նրանք մեղադրում են երկիրն անարդյունավետ կառավարելու եւ աղքատության դեմ պայքարում բավարար միջոցներ չձեռնարկելու մեջ:

Երկրում արդեն անցկացվել են բողոքի տասը համազգային օրեր, որոնք բազմաթիվ խոշոր քաղաքներում, այդ թվում՝ Փարիզում, ուղեկցվել են իրավակարգի ուժերի դեմ ցուցարարների ընդհարումներով, հրկիզումներով, խանութների կողոպտմամբ: Հունվարի 19-ին տեղի ունեցած վերջին ակցիայի ընթացքում ֆրանսիական ոստիկանությունը բերման Է ենթարկել գրեթե 300 մարդու, հաղորդել Է ՏԱՍՍ-ը: