Վրաստանի բնակչության մեծամասնության կարծիքով՝ երկրում չկա ժողովրդավարություն. NDI

ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: ԱՄՆ Ազգային դեմոկրատական ինստիտուտի (NDI) անցկացրած հետազոտության համաձայն, Վրաստանում հարցված բնակչության 46 տոկոսն այն կարծիքին Է, որ երկրում ժողովրդավարություն չկա, տեղեկացնում Է «Արմենպրես»-ը՝ հղում անելով «Գրուզիա Online»-ին:

«Ընդհանրապես, ձեզ համար որքանո՞վ Է կարեւոր կամ անկարեւոր ժողովրդավարական երկրում ապրելը» հարցին մասնակիցների 59 տոկոսը պատասխանել Է, որ շատ կարեւոր Է, 33 տոկոսի կարծիքով՝ կարեւոր Է, իսկ 24 տոկոսը կարծում Է, որ դա կարեւոր չԷ:

«Երկրում կա արդյոք ժողովրդավարություն» հարցին մասնակիցների 43 տոկոսը պատասխանել Է, որ Վրաստանում ժողովրդավարություն կա, իսկ 46 տոկոսի կարծիքով՝ երկրում ժողովրդավարություն չկա: Հարցված բնակչության 11 տոկոսը չգիտի այդ հարցի պատասխանը:

Կազմակերպությունն ուսումնասիրությունն անցկացրել Է դեկտեմբերի 6-20-ը: Հարցմանը մասնակցել Է ավելի քան 2 հազար 200 մարդ: Վիճակագրական անճշտությունը կազմում Է 2,1 տոկոս: