2 րոպեի ընթերցում
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Եվս չորս տղամարդ Է սեռական ոտնձգությունների մեջ մեղադրել հոլիվուդյան ռեժիսոր Բրայան Սինգերին, որը հայտնի Է «Բոհեմական ռապսոդիա», «Իքս մարդիկ» եւ «Սուպերմենի վերադարձը» կինոնկարներով: Այդ մասին հունվարի 23-ին հայտնել Է The Atlantic հանդեսը՝ պարզաբանելով, որ հակաիրավական գործողությունները տեղ են գտել, երբ դեռ չԷր լրացել տուժածների տասնութ տարին, տեղեկացնում «Արմենպրես»-ը:
«Հանդեսը 12 ամիս բազմաթիվ հայցեր ու մեղադրանքներ Է ուսումնասիրել Սինգերի նկատմամբ: Ընդհանուր առմամբ մենք դիմել ենք 50 տարբեր աղբյուրների, ներառյալ չորս տղամարդկանց, որոնք ավելի վաղ ոչ ոքի չեն պատմել այն մասին, թե ինչ Է իրենց հետ տեղի ունեցել»,-գրում Է հրատարակությունը, ճշտելով, որ ռեժիսորին, մասնավորապես, մեղադրում են ինչպես անչափահասներին գայթակղեցնելու, այնպես Էլ բռնաբարությունների մեջ: Տուժածներից շատերը The Atlantic-ի թղթակիցներին պատմել են, որ վերապրածի հետեւանքով իրենք հոգեկան տարբեր խանգարումներ են ունեցել:
2017 թվականի վերջին ռեժիսորին մեղադրել Էին Սեսար Սանչես Գուսմանին բռնաբարելու մեջ, երբ վերջինս անչափահաս Է եղել: Ռեժիսորի փաստաբանն այն ժամանակ հայտարարել Էր, որ իր կլիենտը «կտրականապես մերժում Է նմանօրինակ մեղադրանքները»:
Queen խմբի մենակատար Ֆրեդի Մերկյուրիի (1946-1991 թթ.) մասին պատմող «Բոհեմական ռապսոդիա» կենսագրական դրաման հունվարի 22-ին «Օսկար» կինոմրցանակի Է անվանակարգվել «Լավագույն ֆիլմ» կատեգորիայում:
Ավելի վաղ ֆիլմն արդեն «Ոսկե գլոբուս» Է ստացել «Լավագույն դրամատիկական ֆիլմ» անվանակարգում, որը հանձնվում Է Հոլիվուդի արտասահմանյան մամուլի ասոցիացիայի կողմից, հաղորդել Է ՏԱՍՍ գործակալությունը: