Ֆրանսիայում մեկնարկում են ազգային բանավեճերը, որոնք կոչված են հաշվի առնել «դեղին բաճկոնավորների» պահանջները
3 րոպեի ընթերցում
![Ֆրանսիայում մեկնարկում են ազգային բանավեճերը, որոնք կոչված են հաշվի առնել «դեղին բաճկոնավորների» պահանջները](http://armenpress.am/resized/480/static/news/b/2019/01/960753.jpg)
ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: Ֆրանսիայի նախագահ Էմանուել Մակրոնը հունվարի 15-ին կժամանի Գրան- Բուրտերուլդ քաղաք՝ բացելու ազգային բանավեճերը սոցիալ-տնտեսական հարցերի շուրջ: Դրանք անցկացվում են այն խոստման համաձայն, որը պետության ղեկավարը տվել Է «դեղին բաճկոնավորների» շարժմանը, որոնք հանդես են գալիս կենսամակարդակի բարձրացման, գների ու հարկերի աճի սահմանափակման օգտին, տեղեկացնում Է «Արմենպրես»-ը:
Le Figaro թերթի տվյալներով՝ նախագահի հետ հանդիպմանը, որը տեղի կունենա օրվա երկրորդ կեսին, հրավիրված են Ֆրանսիայի քաղաքների քաղաքագլուխները: Բանավեճերը կազմակերպվում են Համացանցի հատուկ հարթակում, որտեղ քաղաքացիները կկարողանան իրենց կարծիքը հայտնել ամենասուր հարցերի վերաբերյալ: Իշխանությունների հավաստիացմամբ, բանավեճերը կանցնեն «թափանցիկության եւ անաչառության մթնոլորտում»:
Ավելի վաղ Մակրոնը ֆրանսիացիներին հղած նամակում հայտարարել Է, թե կցանկանար, որ որքան կարելի Է շատ քաղաքացիներ մասնակցեն հունվարի 15-ին մեկնարկող ազգային քննարկումներին: Ֆրանսիայի ղեկավարը նաեւ նշել Է, որ բանավեճերի ընթացքում, որոնք կշարունակվեն երկու ամիս՝ մինչեւ մարտի 15-ը, չեն կարող լինել արգելված թեմաներ: Նա ինքն առաջարկել Է օրակարգում ներառել 35 հարց, գլխավորապես սոցիալ-տնտեսական բնույթի: Դրանց թվում են՝ հարկումը, ժողովրդավարությունը, բնապահպանությունը եւ ներգաղթը, ներառյալ ներգաղթի տարեկան բաժնաչափերի սահմանումը:
Նրա խոսքով՝ քննարկումները, որոնք կանցկացվեն մեկ ամսվա ընթացքում, այնուհետեւ կդրվեն նոր հանրային պայմանագրի հիմքում: «Այդպիսով, ձեր առաջարկությունները թույլ կտան նոր պայմանագիր ստեղծել ազգի համար, համակարգել կառավարության եւ խորհրդարանի գործողությունները, ինչպես նաեւ Ֆրանսիայի դիրքորոշումները եվրոպական ու միջազգային մակարդակներում»,- պարզաբանել Է նախագահը:
Մակրոնն ընդգծել Է, որ «այնպիսի մեծ երկիր, որպիսին Ֆրանսիան Է, պետք Է ավելի հաճախ լսի իր քաղաքացիների ձայնը»: Այս բանավեճը պետք Է հնարավոր դարձնի զայրույթը վերածել որոշումների, հավելել Է նա: Ազգային մեծ բանավեճերն այն միջոցառումներից մեկն Է, որոնք Մակրոնն ազդարարել Է հարկերի աճի եւ կենսամակարդակի անկման ֆոնին «դեղին բաճկոնավորների» շարժման բողոքների ֆոնին, հաղորդել Է ՏԱՍՍ-ը: