Հայտարարվել են առողջ հանգստի համար աշխարհի լավագույն քաղաքները

ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: Առողջ հանգստի համար ամենից հարմար քաղաքների վարկանիշը գլխավորել Է Փարիզը: Այդ մասին, ինչպես տեղեկացնում Է «Արմենպրես»-ը, հայտնել Է Daily Mail-ը: Երկրորդ տեղն զբաղեցրել Է Չիանգ Մայը (Թաիլանդ), երրորդը՝ Բարսելոնան (Իսպանիա): Հնգյակը եզրափակում են Պատտայան (Թաիլանդ) եւ Վանկուվերը (Կանադա): Տասնյակում տեղ են գտել նաեւ Մայամին (ԱՄՆ), Սան-Ֆրանցիսկոն (ԱՄՆ), Լիսաբոնը (Պորտուգալիա), Դենպասարը (Բալի, Ինդոնեզիա) եւ Բուենոս Այրեսը (Արգենտինա):

Վարկանիշի վերջին հորիզոնականներն զբաղեցրել են Արդվինը (Թուրքիա), Մարաքեշը (Մարոկկո) եւ Սիեմ Ռիպը (Կամբոջա): Վարկանիշը կազմելիս հետազոտողները հաշվի են առել զբոսայգիների, մարզասրահների, սպա-սրահների, յոգայի ստուդիաների, առողջ սննդի խանութների եւ բուսակերների համար նախատեսված ռեստորանների թվաքանակը, ինչպես նաեւ արեւոտ օրերի քանակը եւ կեցության արժեքը, հաղորդել Է ՌԻԱ Նովոստին: