2 րոպեի ընթերցում
ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: Տասներկու տարեկան Խեսուս Մամանի Ռամոսը մեկ օրով դարձել Է Պերուի զարգացման եւ սոցիալական ինտեգրացման նախարարը: Այդ մասին, ինչպես տեղեկացնում Է «Արմենպրես»-ը, նախարարությունը հայտնել Է Twitter-ի իր ալիքում:
Jesús Mamani Ramos de 12 años juró como ministro de Desarrollo e Inclusión Social por un día. La madre del menor junto a niñas y niños de familias usuarias de @MidisJuntos de otras provincias fueron testigo de la ceremonia que encabezó la titular del #MIDIS, @lilarosahu. pic.twitter.com/og3LcNAX1x
— MIDIS (@MidisPeru) 7 января 2019 г.
Պերուն իրականացնում Է «Միասին Պերու» սոցիալական ծրագիրը, որը նպատակամիտված Է կրթության, առողջապահության ոլորտում բնակչության չունեւոր խավերին տարբեր ծառայություններ եւ հնարավորություններ տրամադրելուն: Վիճակագրական տեղեկատվության ազգային ինստիտուտի տվյալներով՝ 2017 թվականին Պերուում աղքատների թիվն ավելացել Էր 375 հազարով (21,7 տոկոս) եւ կազմել 6 մլն 906 հազար: Համեմատության համար նշենք, որ 2017 թվականին Պերուի բնակչությունը կազմում Էր 32,17 միլիոն: Այսինքն՝ երկրում աղքատությունը կազմում Է մոտավորապես 18 տոկոս:
Ծրագրի շրջանակներում գրառվել Էին ոչ հարուստ ընտանիքների երեխաների սուրբծննդյան ցանկությունները: Պերուի հարավ-արեւելքում Տիտիկակա լճի ափին գտնվող Պունո քաղաքից մի տղա՝ Հեսուս Ռամոսը, հայտարարել Է կենսական դժվարին կացության մեջ հայտնված երեխաներին օգնելու իր ցանկության մասին:
Պերուի զարգացման եւ սոցիալական ինտեգրացման նախարար Լիլիանա Լա Ռոսան նրան աշխատանքի Է հրավիրել մայրաքաղաք: Երդմնակալության արարողության ժամանակ ներկա Է եղել տղայի մայրը, ինչպես նաեւ ծրագրին մասնակցող երեխաները: Նախարարը հավաստիացրել Է, որ Խեսուսը հագեցած օրակարգ ունի, նա խորհրդակցությունների Է մասնակցելու նախարարության ղեկավարության հետ, հաղորդել Է ՌԻԱ Նովոստին: