2 րոպեի ընթերցում
ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Լսնամաշկ վալաբի հազվագյուտ կենգուրուի ձագ Է ծնվել Ֆրանսիայի արեւմուտքի Բոֆե քաղաքում: Ինչպես տեղեկացնում Է «Արմենպրեսը», այդ մասին հաղորդել Է Ouest-France թերթը: Ձագուկը լույս աշխարհ Է եկել Գայա Բոդե մասնավոր ֆերմայում եւ դարձել երկրորդ լսնամաշկ վալաբին Ֆրանսիայում եւ երրորդը՝ Եվրոպայում: Եվս մեկն ապրում Է Նորվեգիայում: Ոչ մեծ կենգուրուների այդ ներկայացուցիչները բարձր են գնահատվում ամբողջ աշխարհի կենդանաբանական այգիներում: Նույնիսկ իրենց բնական բնակության վայրերում դրանք շատ հազվադեպ են հանդիպում:
Կաթնասունների այդ խմբում լսնամաշկների ծնվելու հավանականությունը բացառիկ երեւույթ Է: Կենդանաբանների կարծիքով՝ դա մեկ դեպք Է 50 – 100 հազարի հաշվով: Վայրի բնության պայմաններում այդ կաթնասունները հազադեպ են ապրում մինչեւ չափահաս տարիքը, քանի որ սպիտակ մորթախավը քողարկում չի ապահովում դրանց համար. կենդանիները հեշտ որս են դառնում գիշատիչների համար:
Վալաբիները փոքր կենգուրուների տարատեսակ են, դրանք սնվում են հիմնականում կեղեւով, արմատներով, խոտով, բանջարեղենով եւ մրգերով: Չափահաս առանձնյակի չափը հասնում Է 90 սանտիմետրի, իսկ քաշն ընդամենը 20 կիլոգրամի, հաղորդել Է ՏԱՍՍ-ը:
Un kangourou blanc très rare est né en Sarthe https://t.co/ZYyXStmoGi
— Ouest-France (@OuestFrance) 24 декабря 2018 г.